مقتطفات شعرية لشاعر عبدالله الظفيري

7 أبريل 2011
65
3
8
حائل
#1
بسم لله <--------> بدون مقدمات نبدى




...


أبد لاتسأليـن بغربتـي عـن آخـر الأخبـار
عمت عين السفر دامي أذوق المر من كاسـه!
أنا اللي بسألك قولي.. جواب بكلمتيـن صغـار
بلد من دونك (اش) يسوى بعيني؟ يابعد ناسـه
بدونك.. ما أطيق البعد لو هو بيننـا أمتـار!!
ولكن هالفراق أقـوى ولاينفـع بـه سياسـه
ترى لولا اتصالاتك.. برغم اللي يدق.. كثااااار
حشى مافيه أحد غيرك يرد لصـدري أنفاسـه
ألا ياشـوق خفـاق ٍضويتـي ظلمتـه أنـوار
وصار اليوم ينبض لك مشاعر حييييل حساسـه
تبي تدرين بفراقك معي يا الغاليه وش صـار؟؟
تبي تعرفين مجنونك وش اللي قالب ٍراسـه؟؟
لك الله عايش بحالي/ لحالي.. شاعـر ٍمنهـار
وأنا كل ما طريتي لي صرخ شعري بقرطاسـه!
يمر يومي.. ولابه غير همـي والحـزن زوار
عسى الله يرحمه حال ٍغدا هالثنيـن جلاسـه
شحن جوالي أنهيته!! أقفّل .. وافتحه أمـرار!!
قسم لولا رسايلنـا .. حبيبـك قاتلـه ياسـه!
فقدتك والدمع لامن ذكرتـك يفضـح الأسـرار
ولا أشره علـى وقـت ٍبـه الأيـام دساسـه
أسلي نفسي بكثر الأمانـي.. واليديـن قصـار
وأنام وربي العالم وش اللي خاطري حاسـه!!!
كأني من ملك أسهم يبي تضحـك لـه الأقـدار
وقدّم كل ماعنـده.. وفجـأه أعلـن إفلاسـه!!
كأني طالـب بغربـه.. تذكّـر عيلتـه والـدار
وهو كل ماذكـر أمـه! مـلا هالدمـع كراسـه
أعاني كثر ماتملـك ومالـك بالحشـى تذكـار
و(أحبك) والبلا حبـك أبـد مـا أملـك قياسـه
جعل في داخلي عرق ٍسمع بك يا الغلا ماثـار!
يموت.. و وش لي بعرق فوصالك ميت إحساسه
حياتي تسأليني عن جديدي بالشعـر وأحتـار؟
وش أكتب لك شعر وانتي غديتي اليوم نبراسه!
ولكن أوعدك شعـر ٍلاقولـه يتعـب الشعـار
متى ماشفتك وموعـد لقانـا دقـت أجراسـه
لأن مافيني أتحمّل بعـادك فـي سفـر وانهـار
عسى لايعيدها سفره.. ولو هي كانت دراسه!!!



عبدالله الظفيري

==============================



،






طيّب ..
دريت إنك مع غيري الحين!
يعني بـ ظنّك لادريت آتحسّرْك ؟!


يا شاغله نفسك بقلبي ..
وبعدين؟
عيشي حياتك واتركي ما يساورْك


عيشي..!
عسى الله يسعدك واتّهنّين
منتي بـ ملهمتي.. ولا عدْت شاعرْك!


لكن .. لو إنّك لاقيه من تحبين؟
كوني (حبيبه).. عكس ما كنت خابرْك


كوني بضيقات الصدر له ميادين
يطلق عنان البال في وسْع خاطرْك


كوني لصحراه المطر .. لا تكونين
شمس الجفاف وتحرقي باقي أخضرْك!


وبلّي عروقه من حنانك .. تشوفين
وشلون ينبت في شعوره .. ويثمرْك


وْلا تكثر أعذارك عليه وتغيبين
لا تقتلي روح الرضا في تكبَرْك

وْلا من حكيتي حطي العين بالعين
وخليك مره صادقه في مشاعرْك !


وْلا يشغلك ذِكْري.. وياليت تنسين
مادام من خُبْرك وأنا ناسي أذكرْك!

عبدالله الظفيري

======================




علامك جيت ياقلبي وراجع خاطرَك مكسـور
أبد لاينكسر خاطرك دامـه صاحبـي جايـر


أبي تنسى مبادئنا وتتـرك طبعنـا المغـرور
وأبي هالحين ترجع له.. وقلّه يطلب ويامـر

وإذا جت عينك بعينه أبي تشهد شهادة زور
بأني مذنب ومخطي.. وقلبه ناسـي وغافـر



وقلّه لايخليني على حزنـي أبـات شهـور
لأن الموت أشوالي وأنا من طبعـي ماكابـر

ولايفكّر يقول: انسى وغيري بالبشر مذكور
لأني ماخبر غيره / قسـم بالله مـو خابـر

أحس اللي خلق زينه خلق باقي البشر ديكور
وأحس الورد لاشمه يميـل وينثنـي شاكـر


وربي هالبشر بعده هياكل والبيـوت قبـور
ولابه شي بالدنيـا يجـاري غيابـه الكافـر

حبيبي يابعد كل الحبايـب والزمـان يـدور
علامك ماتخاف الله تعال وشوفنـي وناظـر

ألا ياصاحبي القاسي بدونك هالحياة تغووور
ألا ياسبّـة جروحـي..ألا ياحظـي العاثـر

أحبك يامنى عمري وغيرك يمسك الطابـور
أحبـك يامولّعنـي وأذوب بصوتـك الخاثـر


أنا من كثر مااحبك أحس إني معك مسحـور
فديتك خلني مسحور إذا تبقى لـي الساحـر

تعااال وخذني بكيفك.. قصيد ولو تبي جمهور
فداك اللي قصدته أمس واللي بَقصِـده باكـر


لك الله وانت خابرني شجاع ولاعلي قصـور
ولكن لو وصل أمري بيدّك... آآه ياساتـر!!

دخيلك انتبه! لا..لا.. تمادى مع رجل مقهور
ترى قهر الرجال أكبر من اللي تحسب وفاكر

أنا حبي معك والله عفيف وطاهر ومستـور
حشا.. صعبه تلاقي قلب شروى قلبي الطاهر

إذا ناوي تجربني ترى وقتك معـي مهـدور
أموت بنار طغيانك.. ولاينقال لـي صابـر!

أمانه روح ياقلبي وأبي تضبط عليه الـدور
أمانه طيييير له تكفى وأبي هالحين ياشاطـر

أبيك تحب لي راسه وتنسى طبعنا المغـرور
ترانا اثنيننا والله بدونـه نكسـر الخاطـر!!


للمبدع عبد الله الظفيري



===================================




.........


كل هذا حب؟؟ ياقلبـي حـرام!!
إرفـق بحالـي .. ترانـي منتهـي
يعني وبعدين؟؟ زبـدة هالكـلام؟؟
ودي أخلص من جروحك .. وألتهي
لعنبوا حيّك .. لعب فيك الغـرام
واللي يسمع يحسب إنك مرتهـي!
من تشوف اللـي تبـادرك الهيـام
زدت دقاتك عليّ .. وقلت: هـي!
بي جروح ٍ– ماكنه - من كمّ عام
شوفها .. وبعدين سـو ماتشتهـي
خل يبقى لي مـع النـاس احتـرام
وإلا أنا خابرك .. مبطي منتهـي!!!

عبدالله الظفيري




====================================





اللي بقى لـي مـع الأيـام .. وفّيتـه
والضيق لـو ينهمـر تشربْـه وديانـي
ماهي كبيـره علـي والحـزن غنيتـه
وْلاهـي غريبـه إذا وقتـي تحـدانـي
الخوف -يا من نبشت القلب وادميته-
لاعشت زهرة شبابك وانت وحدانـي!!
كم جرح خذْته من الأحباب.. ضمّيتـه
وجروح قلبـي زكـاة لْحُـبّّ خِلاّنـي
مطعون؟ عاااادي ،، جفا الأقراب؟ داويته
تعبان؟ مبطي ،، ردى هالحظ؟ خاوانـي
صدمه؟ بسيطه ،، هَوان الحال؟ مرّيتـه
مقرود؟ أدري ،، وإذا حرمان؟ عدّانـي
ما فاح هـمّ ٍلـك الله مـا تقهويتـه
ما مـرّ حـزن ٍبغيـري مـا تبلاّنـي!
ياما ويامـا مـن الخـذلان .. عديتـه
إلا بصاحبْ .. بعد عِشـره تناسانـي!!
أزريت لأنسـى غيابـه ليـن ناديتـه
والمـوت لامـن تجاهلنـي وجافـانـي
وينه يجينـي .. وكـل عْتـاب كنّيتـه
ياليت يدري بعد فرقـاه وش جانـي!!
من كنت طفل ٍوانا أرجـاه فـي بيتـه
شيّبت.. واثره على هالحـال خلانـي!
حتى جنـاح العَتَـب لرضـاه ذليتـه
ماطِرْت بعده فـرح مـن ذلّ جنحانـي
يا قلب صبرك .. ترى كل شيّ سويتـه
ما كان أفضل من اللي كـان بإمكانـي
لو بيّ قـوه علـى الهجـران؟ خليتـه
لو بـيّ ذره مـن النكـران؟ يفدااانـي
الجرح أرحم .. إذا يرجع مـن أغليتـه
مجروح؟ فِدوه .. ولكن صعب وحداني!



..


عبدالله الظفيري





================================






قصيدة خلاص ضاقت بي الرياض



لامن رمـى ليـل العنـا همّـه علـي لْحالـي
وغيري قضى هالليل نايم في حضـن محبوبـه
وآنا اسهره متوسـدٍ حزنـي وضيقـة بالـي
من وحدة ٍطالت وفرحـة خافـق ٍمسلوبـه!
والذكريات اللي مضـت لـي زوّدت غربالـي
والنفس طابت.. والصبر عوّد علـيّ عقوبـه
"ياخالـد حمـود" الحكايـه كلّـهـا ياغـالـي
ودّي أفضفض لك خوافـي نفسـي المغصوبـه
مانيب شاكي من سواليـف الهـوى واطلالـي
ولانيب شاكي لك جروحي من جفـا رعبوبـه
مشتاق لك والله وانا كـل مـا ذكرتـك خالـي
أتذكّـر أيـام (الخُبـر) والجامعـه كـل نوبـه
اشتقـت للشرقيـه وكـل مابـهـا يحـلالـي
واشتقت لسنين الدراسه.. والسكن.. وقروبـه
ماكنت أحسّـك ساكـن بجنبـي ودوم قبالـي؟
كنت انت ساكن وسط قلبي وعارف ٍمطلوبـه
ياهو كئيب الكـون وايامـي فـلا تهنـا لـي
ياخي بعد فرقاك .. عنـدي ماهـي بمحسوبـه
خلاااااص ضاقت بي الرياض بكبرها من تالـي
ماعاد لي فيهـا مكـان وحاجـة ٍمرغوبـه!!
هي عامره بوجود أهلهـا فـي أمـان الوالـي
والعاصمه من كـل شعـب المملكـه مخطوبـه
بس البـلا لا ضـاق قلبـي عارفـه مايبالـي
هو ياخذ الحاجه .. ويتركني غريـق ذنوبـه!
خالد!! تخيّل.. من كثر همي وسـوء أحوالـي
مابه مكان ولا صديق اسلى وأسيّـر صوبـه!!
من شقتي .. لين الدوام .. لشقتي .. منوالي!
لا الوضع هـذا يصلـح لخيّـك ولا لأسلوبـه
مافادني صدري الوسيـع اللـي ملتـه آمالـي
وحشة .. وخلّت دنيتي مـن عقبهـا مقلوبـه
كثـر الشكـاوي ماتفيـد المحبطيـن أمثالـي
أدري.. ولاتشره على مـن يهـذي بغيبوبـه
يارب أبي تيسيرك لأمـري.. وغيـرك مالـي
وان كان – نقلي- (للخُبر) حاجه مهي مكتوبه؟؟
طالبك أنا كنز القناعـه/ واقتنـع فـي بالـي:
ويصير لي حضن الرياض أدفى من المحبوبه!!

عبدالله الظفيري

=============================


دخيـل الله ياقلبـي أنـا طالـبـك تعفيـنـي
أنا طالبـك تنسااااانـي ولـو مـره تخلينـي
أعيش بدنيتي وأهنا مثل باقي البشـر سالـي
بدون الحب ياقلبـي وبـدون همـوم تكوينـي
أنا ماعـاد فينـي روح تبيهـا تتبعـك ثانـي
انا فيني جسد باقي بـدون شعـور يحوينـي
على كثر القلوب اللي هوينا ماصدق واحـد!!
ياقلبي ابتعد عنهم ترى اللـي فينـي كافينـي
زرعْت الحب فأعماقي وحصدْت جروح تاليها؟؟
وردى هالحظ خاواني ولقى كل مايبـي فينـي
كثير أحباب حبينا وعطيناهـم بـدون حسـاب
ولاخذنا سوى غدر ٍمـلا راحـات كفينـي؟؟
وكثير أسباب تجبرنـا بـلا حسوفـه نخليهـم
لأن والله مافيهـم ولا واحـد مـلا عيـنـي
ولكن أكبر الصدمات جتني مـن يديـن اللـي
حسبته غير كـل النـاس ومايعنيـه يعنينـي
هذاك اللي تصورتـه طمـوح العمـر ياقلبـي
هذاك اللي تخيلتـه هنـاي وضحكـة سنينـي
عطيته من دفا روحي قصايـد أشعلـت ليلـه
وأنا ما أكتب لغيره ولا أي شخـص يغرينـي
كتبت أحلى كلام الحب فـي عينـه ولافكـرت
يجي اليوم اللي أستخسر قصيدي في محبينـي
على مبدا (الخصوصيه) يحاول يبعد اشكوكـي
وعلى مبدا (الصراحه) كنت وكانت لعبته فيني
خذلني للأسف والله وهدم كـل مابنـا بلحظـه
وطلع هالحب مايسوى مواطي تراب رجلينـي
أنا كنت أحسبـه أعظـم علاقاتـي ولاظنيـت
بأن أعظم علاقاتي بخيانـة حـب تنهينـي!!
ويمّي صاحبـي دايـم يذكّرنـي بوهـم حبـي
وأقول: ارتاح ياعمي ترى الله عنْك مغنينـي!
خسرت أصحاب من حولي خسرت الكل بأسبابه
ألا حسبـي عليـه الله كثـر ماهـو معنّينـي
أفااااا ياقلبي الطيب...أفـا وشلـون ترضاهـا
وأنا من صدمة ٍبالحب إلى صدمـه تودينـي
بدون عناد اسمعني ولا تفتح لـي الموضـوع
حشا لو تفتحه ثاني لأشيلـك مـن شرايينـي
خلاص الحين انساهم وأنا ماعاد فينـي حيـل
لهم رب ٍيجازيهـم .. ولـي رب ٍيجازينـي


==========================




ليلة فراقك .. ودمعـك لمّـا بعيونـك بـدا
من لمحته قبل أسافر .. ماهنا لي مرقـدي
قلت لك :"أيام وارجع" ، والحكي ضايع سدى
لاْن - بالأيام هذي - حتى هالقلب يغـدي!!
ياوطن روحي أماااانه كفكفي هـذا النـدى
واعذريني والله إن الوضع ماهو فـي يـدي
كل شيّ ٍممكن إني أرفضه لجلك .. عَـدا..
[شايبي] لامن زهمني قلت: "أبشر يابعـدي"
انتي أكثر من عرفني ماهو من طبعي الردى
وآنا اعرْفك طووول عمرك ماتحبين الـردي
رحت.. لا قلبي.. ولا فكري.. ولا بالي هدا
رحت.. وهمومي تجر أحزان درب ٍسرمدي
المصيبه.. كثر ماني والسفـر أكبـر عِـدا
كثر ماربي كتب لي معه أجدّد موعـدي!!!



=============================



منت عادي .. لا وربي منت عادي
.......... من عرفتك وانت دايم في علو !!

ياكثر ماشوف حولك من أيادي
.......... "انتبه" تخطفْـك منّا .. ياحلو
ياصاحبي قد شفت ناس "متنّحه"
....... بس انت مثلك؟ لا أبد مايوم شفت!!
لي بالمجالس معْـك غمز.. ونحنحه
........ وانت بغبائك خارج المعقول طفت!
شف هالبشر .. خلّـيتها مترنّحه
....... من ضحكهم.. وانت اتّـلفّت ماعرفت؟
ناس إلْعبت بالعمق .. وناس مجنّـحه
... كم لي أدافع عنك؟ .. والحين اعترفت!!
إيه بدوي.. شاعر.. وبرضو مْهندس
........... وين الغرابه بالأمر .. قولي لي؟؟
من صغري أطلع وارتقي.. ما أندس
.............. لو بيّدت روس المعالي حيلي ..



======================



اللي لمحتوا دمعتـي بجفونـي


مستغربين اللي حصـل ياسـاده!!




تكفون لفـراق الغضـي خلونـي


أشكي همومي محتضن لي وساده




ماعاد أبيكـم تنشـدون شلونـي


جرحي وعارف علتـه وضمـاده




إن كان بيديكـم سنـع شوفونـي


وإلا اتركونـي للحـزن واجهـاده




من يوم غابت عن سماي وكونـي


مولاة قلبـي.. غايتـه.. ومـراده




أم العيون السود / كـل جنونـي


ست السمر والبيض.. وأحلى غاده




كني عن أبواب الفـرح صدّونـي


وإلا الصبر.. كثر الرجا مافـاده!




لابو قصيد ٍ يرتضي لـي هونـي


يشكي من الحظ الردي وعنـاده!




قولوا لها شاللي حصـل؟ دلّونـي


(أبطت) .. وخابر مالهـا بالعـاده




بعض البشـر غابـوا ولاهمونـي


والبعض يمكـن خيرتـي فابعـاده




بس المصيبه لو تصيـب ظنونـي


بغيـاب نـور وطلّـة المـيّـاده




قولوا لها والشـوق زاد شجونـي


وينك؟؟ تراني مـا أطيـق زيـاده




يا ام الغلا كلـه ونـور عيونـي


ياروووح عبدالله ونبـض فـؤاده




شوفي غيابـك يستثيـر سكونـي


والليل عينـي ماهتنـت برقـاده




ضاقت نواحي خافقـي وركونـي


من روحتك فجـأه بـدون افـاده




دفتر قصيديْ اشتاقلك من دونـي


صفحاتـه لرقـة يـدك معـتـاده




وجدي عليـك اليـوم يامظنونـي


وجـد العراقـي لا بكـى بغـداده




أقسم بـرب البيـت واتعرفونـي


وأبيـات شعـري تنتظـر هـدّاده




إن كـان عـادت والله لْتلقونـي


أقصد وألبّسهـاْ القصيـد قـلاده




والحين أبي علم ٍ يكـفّ ظنونـي


منهو يجيب أخبارهـا ياسـاده؟؟




أما كـذا .. وإلا ابعـدوا خلونـي


أرجع لحضن وسادتـي كالعـاده!!




في خاطري كلمه

كثر ماعشت أنا الفرحه بقربك واضحكت لي عين


وكثر ماعشت متهني وكثر ماابتسمـت اشفاتـي



وكثر ماقلت في حبـك قصايـد جمّعـت قلبيـن


أشوف الوقت من دونك جمـع همـي ومعاناتـي



غدا وقتي مثـل ليـلٍ طويـلٍ ماانتهـى للحيـن


سواده امتلى بصـدري وسالـت منـه دمعاتـي



حشا من يوم ماغبتي وربي ماغفت لـي عيـن


طغى همي على عيوني ولعب في حسبتي وذاتي!!



أنا من رحتي بفالك وتلعـب بـي همـوم البيـن


وتاهت خطوتي بعـدك وتاهـت بـي مساراتـي



وأنا وشلون أصور مامضى ويّاك فـي سطريـن


وست شهـور ياعمـري تغنـي فيـك أبياتـي



قضيت شهور في وصلك مضت لي كنها يوميـن


فداها سنين من عمـري وفداهـا كـل لحظاتـي



ألا ياحبـي الطاهـر أبيكـي دائـمـا تـدريـن


بأن طاريـك إذا مرْنـي رفـع لـي معنوياتـي



حياتي يابعـد عمـر القصيـد وخاطـر الغاليـن


أنا لخاطر عيونك بـس أضحـي بكـل رغباتـي



أضيع ليا طروا إسمـك ولـو جابـوه غلطانيـن


وأنا لاضعت مـن حبـك عساهـا دوم ضيعاتـي



وحبك من سكن قلبي أحسه فـي حياتـي ديـن


لأني بس مـن شوفـك أحقـق كـل طموحاتـي



ترى من قبل لاشوفـك لعبـت بحسبـة الباقيـن


ولاحـد ٍ عـارف ٍ قلبـي ولا يـدري بغاياتـي



قضيت الحب من قبلـك ولاأدري طريقـي ويـن


وأشوف اللي تعلق بي يضيع بصمتي واسكاتـي



وجيتي اليوم ياذوقـي ورتبتـي خفوقـي زيـن


وأنا من لمْسَتْ كفوفك رسمـت أحلـى بداياتـي



أشوفك وردة بعيني وباقي هالبشـر مـن طيـن


وأخاف إنـي أعبّـر لـك وتخذلنـي عباراتـي



وأنا في خاطري كلمه تـرى باقولهـا وتكفيـن


أبيكي تفهميهـا زيـن وأبـي تصغيـن للآتـي:



حشا مهما كتبت من القصايـد والشعـر تبقيـن


بأنك أحلـى مـن كـل القصايـد يابعـد ذاتـي






المقام السامي

ياباذخـه ف الحسـن.. ياسنيـوره


عشقك: وطن... في داخلي مترامي



يا غاية الشعـر وضفـاف بحـوره


واسمى المعاني فـي حضـور إلهامـي



يااحلى تفاصيل المسـا وحضـوره


شفتك؟؟ وضاعت حسبتي وأرقامي



ماشفت لك أشباه ف (المعمـوره)


مثلك!! فلا قد مـر فـي أحلامـي



يومك غديتـي بالجمـال اسطـوره


مـا صوّرتهـا ريشـة الرسـامـي



سبحان منهو صـوّرك هالصـوره


وسبحان يوم انْكَسْتْ لك أعلامـي



ياطاغيـة فـي الحـب يامغـروره


يا اللي قتلتـي جرأتـي واقدامـي!



الشوق ثاير فـي عروقـي ثـوره؟!


والروح دونك تعلن استسلامـي!!



كل المشاعر لـك بَنَـت مقصـوره


في وسط قلبي من ركـام حطامـي



من حسن حظي صرتـي الدكتـوره


وانتي سبايـب علتـي وآلامـي!!!



كل ما طعنتي.. قلت أنا معذوووره


حتى عشقت اسلوبك الإجرامـي!!



وكل ما نشف دمي لنزف شعـوره


اشتاقت أوراقـي لنـزف أقلامـي



يا ام الحـلا وام التـرف وغـروره


كثـر الرجـاوي زوّدت بأوهامـي



القلب بيتـك.. والأمانـي سـوره


والموت رمشك.. والأمل قدامـي!!



آمال تبنـى مـن غـلاك قصـوره


لا تهدمين اللـي انبنـى بأعوامـي



أدري بـأن اليـأس ماخـذ دوره


بس المصيبـه ماتطيـع أقدامـي؟؟



ماجيت أبحكي لـك أنـا فـزوره


هـذي حقيقـة واقعـي وأيامـي



ياما شكيت مـن الغـرام وجـوره


أرجي البراءه / ينحكم بإعدامـي!!



خلي الأمـور الماضيـة مستـوره


وإن ضايقك حكيي.. ماهو بإلزامي



منتـي علـى ماقيـل (دكتاتـوره)


واللي تبينـه افعلـي... مادامـي:



من كل قلبي قلت لك: مشكووووره


وأسمى التحايا.. للمقـام السامـي


======================



تدري المصيبه يا(محمد) وين لا منّك هويت؟؟
إنك تطيح بيدّ وحده بـ(التحايل) ماهـره !!


وانت بغبائك.. أو.. صفا قلبك.. وسمّـه مابغيت
تِقبل من أقصاااااك لمحبّـتها بـ (نيّـه) طاهره


تخلص من أوّلها وتصدق في كلامك .. مادريت
إن [الخيانـه] صايـره في مجتمعنـا ظااااهـره !!


وتشتاق/ وتحنّ / وتغار/ وتعشق/ .. بمعنى بديت
تقضي معاهـا الليل هيمااااان وعيونك ساهـره


وتمرّك الأيام من عمرك قصايد .. لا رقيت
في حلمك اللي ضمّ لك مقبل سنين ٍ زاهره


وتغيب عنْك .. وتعتذر عنْها .. وإذا ضقت وشكيت
" أتفـه " عذر منها تشوفه في ظروفه قاهـره !!


ورغم الجفا .. رغم التغلّي .. والعناد اللي لقيت
واحساس يطغي بإنّها في حبهـا متظاهـره!


لكنّـك تعيش المحبه في "سذاجه" .. مارضيت
كل مانبض بك عرق شكّ ٍ صاح قلبك ناهـره


وتبقى تمارس طيبتك .. تعطي .. ولاحاجه خذيت!
مالك فـ واقـع عشقها إلا الأمور الظاهـره


وآخر مطافك تكتشف – سخافتك- يومك وفيت
لامن عرفت إن الحبيبه.. تطلع أكبر ( ؟؟؟؟؟ ) !!!!







لـ المبدع / عبدالله الظفيري



=========================






نور عيني.. علميني كيف أبكتب لك شعـر؟
وانتي نظره من عيونك ضيّعت كل المعاني!
انتي كلماتك عذوبـه.. وابتساماتـك مطـر
وصوت ضحكك يحتويني وينثر الدنيا أغاني
أشهد إن العمر من بعدك ترى ماهـو عمـر
واشهد إني ماأطيق الغيبه من بعدك ثوانـي
من عرفتك لاحزن غطى عيونـي ولاكـدر
يابعد من شافته عيني وعن شوفـك خذانـي
جارت الدنيا علينا وحالت ظـروف الدهـر
لكن انتي ياأصيله دايم أكسب بـك رهانـي
واذكر إنك يوم رحتي صحت أنا صيحة قهر
ويعلم الله ماتركتـك ليـن ماربـي هدانـي
كل ليله تذكريني يضـوي ف(ليلـي) قمـر
وإن جفيتيني في ليله أظلمت حولي المبانـي
عند بابك ياغناتـي أنحـر أشواقـي نحـر
من عرفتك ياطموحي وانتي لي كل الأماني
"يسألوني ليه أحبـك حـب ماحبـه بشـر"
هذي الغنوه "لراشد" لك تعبّر عـن حنانـي
انتي ياعطر القصيد وطيش فكري والسهـر
والله ماغيرك أحد يستاهل أبياتـي وجنانـي
يابعد كل الخلايق واللي فـي بالـي خطـر
من دخلتي في حياتي مابقى لغيرك مكانـي
أقبلي يانور عينـي وتامريـن انتـي أمـر
يااللي ذكرك يهدي عمري والقصايد جو ثاني
مالي إلا أعتـرف بعيـون حسـادك وأقـر
إنك - أحلى مارأت عيني- وقابلت بزمانـي
قلت أبكتب لك قصيده وطاشت أبيات الشعر
ولا طرالي طاري اسمك ينعقد حتى لساني!!



============================




أتمنى أني قدمت مايليق بذأقتكم الشعريـه:detective2: